ODD NEWS – Usa nga winter wonderland ha Sichuan province ha China an nagkamayda hin eskandalo mahitungod nga nadiskubrehan han mga bisita nga an ginpatapud nga snow in himo la ha usa nga gapas.
An Chengdu Snow Village, nga gintatawag kumo winter wonderland, in nagpagawas hin mga ads nga nagpapakita hin magdakmol nga ice nga nakapalibot ha mga kabablayan.
Pero han pag-ulpot han mga turista agud kumuha hin litrato, nadismaya hira han madiskubrehan nira nga an busag nga snow in mga dagko nga mga gapas.
Nagsarang online an mga nasabi nga mga pictures kun diin, makikita dinhi nga puros la gapas an bug-os nga snow ngan an iba nga atop han mga kabablayan in mga busag nga bedsheet nga klaro nga gingamitan pa hin stapler.
Mahuman makakarawat hin kritisismo, nagpagawas hin apology an mga tagmangulo han Snow Village.
Sumala han mga ini nga ginprubaran la nira nga makaghimo hin mala-winter wonderland nga ambience mahitungod nga maluya an snow ha nasabi nga lugar yana nga tuig.
Mahitungod hini in ginpasara an nasabi nga village ngan giniimbestigaran ini han mga otoridad ha possible nga kaso naman nga false advertising.
