NATIONAL – Gin anunsyo ni Philippine Ambassador to the United States Jose Manuel Romualdez nga ig-exempt han administrasyon ni US President Donald Trump an $336 million nga pondo para ha modernisasyon han military forces han Pilipinas tikang ha U.S. foreign aid freeze.
An nasabi nga pahayag in mahuman kumpirmahon ni Romualdez nga nakarawat nira an pahayag han Estados Unidos kasumpay han nasabi nga exemption.
Samtang, an $336 million in kaparte han $500 million nga foreign military financing (FMF) nga gin aprubahan naman han Kongreso han Estados Unidos dida han nakalabay nga tuig ha ilarom han administrasyon Biden.
Iginkokonsidera naman han embahada an nasabi nga desisyon kumo usa nga importante nga resulta han paningkamot han nasud nga makuha an maupay nga alyansa ha Estados Unidos nga nagpapakita hin mas halarom nga sumpayan han gobyerno han Pilipino ha administrasyon Trump.
