NATIONAL – Binweltahan han Palasyo han Malacañang hi Vice President Sara Duterte mahitungod ha pagpapasarang hine hin fake news.
Ine in mahuman hine nga igpahayag nga dabi daw hi First Lady Liza Araneta-Marcos ha usa nga insidente ha Amerika kun diin mayda namatay ngan mayda koneksyon ha ilegal nga droga.
Gintagan-duon ni VP Sara nga ine daw an rason han pag-arestuha kan anay Presidente Rodrigo Duterte agud pagtakpan an daw ginkadabihan nga isyu han First Lady.
Sumala kan Palace Press Officer Claire Castro, basar ha nagin pahayag han bise-presidente, nagawas nga hiya na mismo an nagpapasarang han fake news nga igindadabi an First Laday ha usa nga insidente nga waray man basaranan.
Duon pa ni Castro, waray kamatuuran an pahayag han Bise Presidente.
Pag-eksplikar pa ni Castro, Marso 10 pala in nakanhi na ha Pilipinas an First Lady, ngan Marso 11 naman in umatender ine ha usa nga opisyal nga aktibidad kaupod ban mga tinaglawas han Girl Scouts of the Philippines.
Sanglit imposible daw nga madabi ine ha insidente ha Amerika.
