-- Advertisements --
TACLOBAN CITY- Duro an pangaro hini hin pasaylo han usa nga Suspek mahuman ini nga madakop han mga otoridad ha Hilongos, Leyte mahuman an pira ka tuig nga pagtinago ha balaud.
Guinkilala an suspek nga hi Larry Nastor Tatad ngan residente han Barangay Lamak ha mao nga lugar.
Nahibaruan nga hi Tatad in ika-2 ha napulo nga Most Wanted Person ha Hilongos, Leyte.
Naaresto an suspek pinaagi han warrant of arrest nga guinpagawas ni Exec. Judge Ephrem S. Abando han Regional Trial Court (RTC), Branch 18.
Nahibaruan nga may kaso hin panlugos an mao nga suspek dida han nakalabay nga katuigan.
Ha pagkayana, duro nga kabasulan an guinpahayag han mao nga suspek mahitungod nga kutob man ha kamatayon an kapresuhan hini kumo sirot ha nabuhat nga kasaypanan.
