NATIONAL NEWS- Ginmando ni Department of the Interior and Local Government (DILG) Secretary Jonvic Remulla an pagpapasarang han sobra 50,335 nga mga tinaglawas han Philippine National Police (PNP) ha Setyembre 21.
Sumala hiton kalihim, nga igtutudlok an mga kapulisan ha magkalain-lain nga lugar sugad han paghahatag hin police visibility, standby units, pagmamando han trapiko, checkpoints ngan border control.
Sisiguraduhon gihapon han PNP nga waray kasamok nga matatabo.
Dugang pa hine nga suportado hira ni Pangulong Ferdinand Marcos Jr nga magprotesta kontra ha mga natatabo ha nasud.
Andam gihapon an mga ine nga bumulig ha mga karuyag nga kumuha hin permit para mag-rally.
Mababaruan, magkalain-lain nga grupo an magdudumara hin gios protesta ha Setyembre 21 nga pagdudumaraon ha Luneta EDSA.
