ODD NEWS – Ginpankalasan an mga Customs officials ha Netaji Subhas Chandra Bose International Airport ha Kolkata, India han makit-an an damo nga mga sea turtle (pagong dagat) ha sakob han duha nga maleta.
Mahugot ga igindidire an pag-smuggled han sea turtles matungod nga endangered specie na an mga ine. Nagtitika-guti na an mga ine matungod nga apektado an mga ine ha pollution ngan ha waray wantas nga pandakop.
Hataas ngadaw an presyo han mga bao matungod nga gintutuohan nga nagpapagana ine ha pakikipaghilawas ngan gingagamit gehapon nga tambal ha iba pa nga sakit.
Subay ha World Wildlife Fund, mapapagbaton an hino man nga madakpan nga nag-i-smuggled hin sea turtles.
An duha nga lalaki in puros Indian nationals nga nandakop han mga bao ha China nga iginbutang naman ha ira maleta ngan tikadto an mga ine ha Singapore.
Han nag-stopover an eroplano ha Indian airport, ngan han ihapon an mga bao ha mao nga maleta in maabot ine ha 10,043.
Dayon naman nga gin-gindakop an duha nga lalaki ngan naatubang na ha kaso nga smuggling ha endangered species.
