BURAUEN, LEYTE- Gin-iimbestigahan na han Burauen Municipal Police Station an natabo nga shooting incident ha Brgy. District II, Burauen, Leyte,Hunyo 25.
Sumala kan PMaj. Jhon Ray Layog, Chief of Police Burauen Municipal Police Station, tikang ha eskwelahan an magtala-amay nga hira alyas ‘Mel’ negosyante ngan alyas ‘Mike’ estudyante, han tigda nala hira ginpanmumusil han waray pa kakilal- i nga mga suspek.
Narekober naman ha crime scene an 8 ka kabisiyo hiton bala, ngan an nakuha, an 8 ka basiyo ngan 45 caliber pistol nga ginamit han suspetsado ha panmusil.
Dayon gihapon nga magba-back track an kapulisan para agud makilal-an an impormasyon han suspek.
Mababaruan nga nakag-angkon hin igo ha tiil an tatay nga biktima, samtang nadaplisan naman an bata nga iya anak.
Ha pagkayana ada na ha maupay nga kahimtang an duha nga biktima han panmumusil.
Ginsigurado naman ni Layog, nga ine na kaso hin panmumusil in isolated case la nga diri gud mahadlok an mga residente kundi magreport dayun ha kapulisan kun makikita hin kahina-hinala nga tawo nga naglilinibot ha baranggay ngan tumawag haira hotline number.
