-- Advertisements --
Gin bay-og hin magnitude 5.0 nga linog an kadagatan hirani ha Bayabas, Surigao del Sur yana nga dominggo han gab-i, subay ha Philippine Institute of Volcanology and Seismology (PHIVOLCS).
Naitala an pagbay-og banda alas-9:19 han gab-i ha kahirayo-on nga 50 kilometro northeast han Bayabas.
Siyahan ini nga naisumat kumo magnitude 5.3 pero igin ubos ini ha magnitude 5.0 banda alas-9:54 han gabi.
Subay ha PHIVOLCS, tectonic an gin tikangan han linog nga may kahilarom nga 10 kilometro.
Naitala an Intensity III ha Tandag City samtang Intensity I naman an naabat ha Nabunturan.
Samtang, gin malatiumat naman han mga state seismologist nga waray ginlalauman nga guba tikang han nahinabo nga linog.
