TACLOBAN CITY – Nakatalaan nga mag abre pa hin damo nga mga satellite offices an National Bureau of Investigation dinhi ha atun rehiyon ha magkadurudilain ngab mga parte hini agud naman nga mas damo nga mga molupyo an matagan hin mga serbisyo.
Sumala kan NBI Regional Director, Atty. Emeterio Dongallo, Jr. durante han Kapihan sa Bagong Pilipinas nga ha takna nga madugangan pa an ira mga opisina in mas damo nga mga taga Sinirangan Bisayas an makakabenepisyo sugad nala nga maghahatag ini hin magkadurudilain naman nga mga serbisyo sugad han intelligence, forensic, investigation, ngan legal services.
Ha pagkayana manggud in an mayda pala mga satellite offices in ha Ormoc City; Calbayog City; Maasin City; Sogod, Southern Leyte; Dolores ngan Balangkayan, Eastern Samar.
Nagpapabilin gihapon nga abri ngan andam maghatag hin serbisyo an ira regional office ha Tacloban City ngan ha Catbalogan City, Samar.
