TACLOBAN CITY – Nakatalaan nga magdumara hin libre nga Legal Aid Services ngan Seminar an Rotaract Club of Tacloban kaupod an Bombo Radyo Tacloban nga puydi naman maavail han mga katawhan.
Sumala kan Rotaract Club of Tacloban Vice President Matthew Jolo Palacio, nga ini in kaparte han selebrasyon ngan pagtigaman han Rule of Law Month yana nga Setyembre.
Lakip ha mga serbisyo nga ig ooffer in Legal Advise and Consultation, Notarial of Simple Documents, Drafting of Simple Affidavits ngan Rights Awareness and Cybercrime Seminar.
“Ini hiya nga Payong Kapatid is free for everyone. Waray ini bayad, so ibig sabihin an mga serbisyo nga puydi maoffer hini nga atun Payong Kapatid is just a one day event la is mayda kita mga Legal advises ngan consultation. Pananglitan mayda ka problema ligal nga puydi nim aruan hin konsulta or nalilipat ka kun ano ba talaga it im puydi himuon, mga susunod nga steps we have our lawyers for your questions and clarifications.” yakan ni Palacio.
Pagklaro pa niya nga puydi makaavail han bisan hino man han libre nga mga serbisyo nga mapakadto, walk-in.
“Ha amon kasi ha Rotaract Club of Tacloban, we have many different expertise, mayda kita different professionals nga na contribute han atun club. So, nakadepende liwat han mga expertise han atun members if ano ba an atun mga projects.” pagdugang pa ni Palacio.
Labot la han libre nga legal aid services in magkakaada gihapon hin seminar hiunong han cybercrime in labi na yana nga mga panahon nga nauuso an mga scams, nahahack nga facebook account ngan nangunguwat.
Pagbubuhaton an Payong Kapatid yana nga Sabado, Setyembre 21, 2024 ha Brgy. 64, Bliss, Sagkahan Gymnasium, Tacloban City, ala-8 han aga kutob alas-3 han kulop.
Kalakip gihapon nga kapartner ini an Rotary Club of Tacloban, Regional Anti-Cybercrime Group, Integrated Bar of the Philippines- Leyte Chapter ngan Sangguniang Kabataan Brgy. 64-Bliss.
