Gintotoohan nga gintuyo an timprano nga pag-anunsyo han kantidadatura ni VP Sara Duterte para ha presidential election 2028, kun diin madalagan ini kumo presidente han Pilipinas.
Ine an nagin panlantaw ni former Magdalo partylist representative Gary Alejano kun diin maikokonsidera ini kumo panalipod ha mga akusasyon nga ginbabatak kontra ha bise-presidente.
Usa na hini an impeachment complaint kun diin, posible nga magruha-duha an Kongreso kutob ha Senado ha oras nga paghingadayan an reklamo.
Dugang pa ni Alejano, dire na bag-o ha pantag han politika an sugad nga estratehiya pero kakaiba la para ha mga Duterte mahitungod ha ira mga plano agud masigurado an ira kalangpusan ngan may kaupod pa nga panarhog ha mga nan-iipit ha ira.
Bisan kun harayo pa an piniliay, ginhihingadayan na an posible nga magin ka-tandem ni Sara ngan magigin kontra hini pero dida han katapusan in gin kumpirma han bise presidente nga mayda na hiya na-recruit nga ka-tandem ha maabot nga piniliay.
