TACLOBAN CITY — Napuno hin kabaraka an usa nga mag-asawa matima nga makakaon hin tahong nga positibo ha red tide toxin ha bungti han Daram, Samar.
Ginkilala an mga biktima nga hira Sopio Pariente, 35 anyos an pangidaron ngan Miranda 35 anyos an pangidaron, ngan mga residente han Brgy Real, han Daram, Samar.
Sumala kan Dr. Nancy Dayap, han Bureau of Fisheries and Aquatic Resources Region 8, nga nakaeksperyensya hin panmanhod han kalawasan, kakuri ha pag ginhawa ngan pagsakit han tiyan an mao nga mga biktima.
Utro naman nga nagpahimatngun an BFAR ha publiko nga likayan la anay ha pagkayana an pagkaon han tanan nga klase hin shellfish labi an tahong.
Ha pagkayana in nagpapabilin ha Samar Provincial Hospital ha Catbalogan an mag asawa ngan padayon nga gin obserbaran han mga doktor labi na nga pira ka bulan nga burod an babaye nga biktima.
