TACLOBAN CITY – Gin malatumat ni Department of Agriculture Regional Office VIII OIC Regional Director, Rodel Macapañas nga an gudti nga parag-uma la an makakatagamtam han fuel subsidy tikang ha Presidente.
An Presidential Assistance to Farmers and Fishermen Program in an programa nga maghahatag hin pinansyal nga bulig ha maabot 4.17 milyon nga mga parag-uma ngan parupangisda nga rehistrado ha Registry System for Basic Sectors in Agriculture (RSBSA).
Sumala kan Department of Agriculture Regional Office VIII OIC Regional Director, Rodel Macapañas, kumpara han nakalabay nga subsidiya nga gindirekta ha Lokal nga Gobyerno an pondo, ini nga assistance tikang ha Presidente in gindirekta ha mga buhatan han Department of Agriculture.
Ada naman ha P2,325 an kantidad nga makakarawat han mga benepisyaryo han programa.
An benepisyaryo han programa in an mga small-hold farmers—parag-uma hin mais ngan tubo, ngan paru-pangisda.
Kinahanglan nga an parag-uma hin humay in nagtatag-iya la hin duha kaektarya paubos ngan rehistrado ha RSBSA, samtang an mga parag-uma hin tubo ngan mais in waray naman limitasyon an kadako han area han umahan pero kinahanglan nga rehistrado gihapon ha RSBSA.
Dugang pa ni Macapañas, an pangunahon nga benepisyaryo han programa in an mga paru-pangisda mahitungod nga kada adlaw gudman an mga ini nagpapalawod.
