TACLOBAN CITY- Ginpailarom ha lockdown an Maasin City Police Station mahuman nga magpositibo an 6 nga personnel hine ha COVID-19.
Ine in mahuman nga igpailarom ha swab testing an pito (7) nira nga mga personnel nga gindara ha isolation facility ha Southern Leyte State University,Maasin City Campus kun diin unom ha mga ine an nagpositibo ngan usa naman an nagnegatibo.
Sumala kan PMaj.Vicente Bullicer, Police Community Relation Officer han Maasin MPS, nga subay ha ira inisyal nga imbestigasyon in nagtikang ine ha mga kliyente sugad han mga nakuha hin police clearance nga posible nga positibo ha COVID-19 kun diin yana in padayon pa an gindudumara nga contact tracing.
Hapagkayana in waray pa sakto nga petsa ngan padayon pa nga nagpapamulat kun san-o bubulkason an lockdown ha mao nga stasyon.
Nagkaada naman hin augmentation tikang ha Southern Leyte Police Office para ha mga police nga pwedi magresponde kun kinahanglanon.
