TACLOBAN CITY — Maabot ha 1,643 na nga mga kapulisan an ginpandeploy ha Police Regional Office 8 para ha “Ligtas Paskuhan 2020” agud nga mahugot nga mapatuman an minimum health protocols kontra ha COVID-19 yana nga holiday season.
Sumala PLt. Maria Bella Rentuaya, Tagapagyakan han PRO8, nga bisan may gin-aagian nga pandemya an nasud ini in diri makakaulang para ha mga kapulisan nga gampanan an ira responsibilidad nga protektaran an publiko.
Partikular nga tututukan han PRO8 an mga gintatawag nga places of governance sugad han merkado, malls, paluparan, pantalan, terminal han bus ngan labi na ha mga simbahan yana nga nagtikang na an simbang gabi.
Labot la hini may kadugangan pa nga sobra 1,000 nga anti-criminality teams nga igpapandeploy ha magkalain lain nga parte han rehiyon.
Naglalaum naman ini nga magin generally peaceful an pagseleblar han holiday season yana nga tuig 2020.
