TACLOBAN CITY — Maabot ha 10,570 nga mga kabablayan ha Leyte an nakatalaan nga matagaan han libre nga pailaw o pasuga.
Ini in pinaagi han padayon nga programa han Department of Energy (DOE) nga Nationwide Intensification of Household Electrification (NIHE).
Sumala kan Louiesa Kay Granada Barretto, Information and Training Officer/ Regulatory Compliance Officer of LEYECO III, nga dida han nakalabay nga tuig in nagsumiter hira hin listahan han 10,570 nga magigin benepisyaryo ngan yana nga tuig in na i-download na an 30% nga pondo para han mao nga proyekto.
Makakatagamtam hin libre installation, house wiring, metro ngan iba pa nga mga materyales ngan labor ha pag taod han libre nga pagpasuga ha mga kablasanon nga pamilya ngan lugar ha rehiyon nga maiha na nga naghihingyap nga magkamay-ada lamrag.
Mababaruan dida han nakalabay nga tuig 2017 in may nauna na nga 1,100 households ha rehiyon nga nakatagamtam han Nationwide Intensification of Household Electrification program han DOE.
