INTERNATIONAL – Nanawagan hi Italian Cardinal Giovanni Battista Re para han mga isyu nga harani ha kasingkasing han tumalikod ha kadayunan nga hi Pope Francis, lakip an katungod han mga migrante, pag-undang han gyera, ngan pag-aksyon kontra ha pagbag-o han klima.
Ginmalatumat ini nga mensahe kahuman hin iya sermon ha lubong han Santo Papa dida han Sabado, Abril 26, 2025.
Dugang pa ni Cardinal Re ha iya sermon nga an usa nga mabug-at nga kritiko nga ginhimo hadto ni Pope Francis kan U.S. President Donald Trump, nga “maghimo hin mga tulay, diri mga pader.”
Usa ini nga nagpakita han ira dire pagka-intindihay ha isyu hiunong han immigration.
An sermon, nga nabatian han milyon-milyon nga molopyo, in usa nga klaro nga mensahe ngadto han mga kardinal nga dagmiton na an pagpili han masunod nga Santo Papa.
Ginkikita ini nga giya para han ira mga deliberasyon, nga nagduduso hin pagtagad ha mga isyu nga ginpatapod ni Pope Francis.
An lubong ni Pope Francis ginmarkahan kumo usa nga organisado ngan dignified nga seremonya nga gintambungan han mga lider tikang ha magkadurudilain nga mga nasud ngan iba pa nga mga lider tikang ha bug-os nga kalibutan.
