TACLOBAN CITY – Maabot ha 15 nga mga transport cooperatives ha siyudad han Tacloban an nagpakakarawat hin face mask ngan face shields tikang ha Land Transportation Franchising and Regulatory Board (LTFRB) Region 8.
Sumala kan LTFRB Regional Director Gualberto Gualberto, ini in pinaagi han ira programa nga “Pusong Malasakit” Program kasugbong an Tingog Partylist.
Labot la ha face mask ngan face shields in nakakarawat gihapon an kada kooperatiba hin mga thermal scanners nga ira magagamit ha pagmonitor ngan pagkontra ha COVID-19.
Dugang pa hini nga an mao gihapon nga programa in nagserbi nga dalan han mga transport cooperatives nga mapaghingadayan an pira nga problema ngan mga pamakiana kasumpay ha Public Utility Vehicle Modernization Program ilabi na ha aspeto han bank loan.
