TACLOBAN CITY – Ginpahayag han Land Transportation Franchising and Regulatory Board (LTFRB) Regional Office 8 nga nakagtikang na hira han paghatag han payout para ha mga drivers ngan operators nga nag-apply o naging benepisaryo han service contracting o Libreng Sakay Program han gobyerno.
Sumala kan Veronica Reposar, Transportation Development Officer ll han LTFRB Regional Office 8, kutob pa yana nga Sabado an libreng sakay han pipira nga mga drivers ngan operators nga pwede mabenepisyuhan han mga commuters o mga pasaheros.
Ha pagkayana in nakapagtikang na an LTFRB 8 ha pagbayad han mao nga mga PUV cooperatives pero dire pa tanan tungod pira ha mga ini in waray pa makagsumiter han ira mga requirements.
Target naman han LTFRB 8 nga makompleto an ira payout ha mga benepisaryo han mao nga service contracting program yana nga bulan han Hunyo o Hulyo.
