TACLOBAN CITY – Umabot ha 80 nga kaso hiton chikungunya an naitala ha Barangay Mabini Basey Samar.
Kilala an Chikungunya ha mga pag-istudyo nga baga-baga han sakit nga dengue.
Dire naman ine naipapasa ha pagkaon, hangin o pagharok, kundi nakukuha ine ha kagat hiton lamok nga naipapasa ha iba nga indibidwal.
Pira naman nga mga sitomas hine an hitaas nga hiranat, mga pantal-pantal, pagsasakit han surok-surok, ngan duro nga kakapoy.
Sumala kan Leonido Olobia, MSc. Program Manager, National Aedes-Borne Viral Disease Prevention and Control Program ng Department of Health Region 8, nagtikang an nasabi nga sakit han nakalabay nga semana, ngan dayon ine nga nagsarang ha nasabi nga barangay.
Ada naman ha 5-anyos ngada hiton 76-anyos an mga naigo han nasabi nga sakit.
Dugang pa ni Olobia, dayon hiras nga nagdumara hin search and destroy activity ha nasabi nga lugar.
Waray naman may mahireport nga nadara ha ospital tungod nauupay nala ine.
Nanawagan naman an DOH ha publiko magin ha Barangay nga dayon makig-koordinar ha mga hintutuinan, agud nga dayon ine ma-aksyunan.
