TACLOBAN CITY — Nagpahinumdom an pamunuan han Leyte National High School (LNHS) ha ira mga estudyante nga deri pa bakunado nga magradwar yana nga school year nga dayon kumuha hin waiver agud deri madelatar an pag-atindir ha pagdudumaraon nga graduation ceremony.
Sumala kan Bernie Jude Lamograr, Information Officer han Leyte National High School, pwede kuhaon han mga estudyante an waiver nga ira pipirmahan ha ira tagsa adviser.
Ha mga bakunado naman nga mga estudyante in kinahanglan la han mga ini nga igpakita o igpresenta an tagsa vaccination card ha entrance pala han venue han graduation ceremony.
Ini ngadaw nga pitad in agud masegurado nga talwas an mga magradwar nga mga estudyante sugadman deri madelatar an pag-atindir ha ira tagsa graduation.
