TACLOBAN CITY – Ginklaro han Leyte Metropolitan Water District ( LMWD ) nga diri dayon hira magpapatuman hin paghitaas ha sukot hiton tubig bisan kon epektibo na an ira joint venture agreement ha usa nga pribado nga kompanya.
Ini in tarihas ha mga nagawas nga espekulasyon nga an public private partnership ha Prime Water in magreresulta dayon hin hitaas nga sukot ha tubig tikang ha presente nga presyo nga P148 kada cubic meter.
Sumala kan Pastor Homeres, General Manager hiton LMWD, ha pagtikang pala ha negosasyon ginsiguro na nira nga diri makokompromiso iton interes han mga konsumidor.
“During the negotiation, this is one of our primary concern, the water tariff because we need to protect the interest of the consumers and we don’t want to short change the consumers just because we entered partnership to the private sector”, pag esplikar ni Homeres ha usa nga interview.
Kaupod gihapon ha agreement nga an mga Board of Directors han LMWD iton mag aapruba ha ha anuman nga paghitaas hiton taripa pero diri daw nira tutugutan iton anuman nga paghitaas hiton sukot kon diri magin maupay iton serbisyo han nasabi nga kompanya.
“It is anticipated because we are partnering with a private entity because they want to recoup their investment. But the board will oppose to any proposed tariff increase. It will go into process because we are still under LWUA (Local Water Utilities Administration),” kadugangan nga pahayag ni Homeres.
Mababaruan nga iton LWUA in usa nga ahensiya hiton gobyerno nga nagsu-supervise ha tanan nga water districts ha Pilipinas.
Sumala naman kan Judge Dominador Isidoro, Jr., assistant government corporate council, nga gin-review nira hin maupay ini nga kontrata ngan makakalaum an mga konsumidor nga protektado an ira interes hini nga joint venture.
“Tulad po ng sinabi namin, as statutory council before you are subjected to a tariff increase, people should feel changes in the water services”, pahayag ni Isidoro.
Igpapatuman liwat iton paghitaas ha sukot hiton tubig ha ikatulo katuig nga pagserbisyo hiton Prime Water.
Pero ini in igbabase liwat ha justification han ira nagastos ngan maagi pa ha usa nga public hearing.
” Sabi nga ni GM,Prime Water will go to the Board of Director, seeking the amount of tariff increase and hindi siya basta basta at automatic, it has to go through a public hearing. And what does a public hearing entails,public hearing entails their justification as to how and why, the amount of increase taking into consideration the prudency and effeciency of their corporate expenses”, pahayag ni Isidoro ha usa nga press conference.
Manunumduman nga napirmahan an joint venture agreement ha LMWD ngan Prime Water Infrastructure Corporation han nakalabay nga Hulyo 2 ngan yana nga bulan hiton Setyembre an effectivity hini.
Ha kasuratan mag- iinvest iton Prime Water hin P6.6 B ha sakob hin 25 katuig para maupay iton serbisyo han tubig ha mga nasasakupan han LMWD.
Mababaruan nga namugna an LMWD dida han nakalabay nga 1975,ngan mayda na ini 37,000 myembero ngan konsumidor .
Sakop hiton service coverage area hini iton Sta fe, Palo ,Tolosa, Pastrana, Dagami, Tanauan, Tabon- Tabon, ngan syudad hiton Tacloban
Tatawagon na liwat iton LMWD kumo Prime Water Leyte Metro.
