Patay an maglive-in partner mahuman ma-trap ha sunog nga nahipatik ha New Hope Village, Barangay 107, Sta. Elena, syudad han Tacloban, kakulop, Hulyo 19.
Sumala kan FCINSP. Darren Baclea-an, City Fire Marshal han Tacloban City Fire Station, alas 6:08 han aga han makarawat nira an tawag han bombero ngan paglabay hin usa ka minuto dayon hira nga nagresponde. Banda alas 6:21 han umaga umabot hira ha mao nga lugar, samtang alas 6:26 in gindeklara nga under control an sunog ngan hul-os ini nga naparong alas 6:30 han aga.
Tulo ka panimalay nga puro himo halight materials an apektado, kun diin usa hini in totally damage ngan an duha in partially damage. Ini nga nasabi nga mga balay in kaparte han housing project para han mga pamilya nga nawad-an hin balay mahuman an destruso han Super Typhoon Yolanda hadton 2013.
Ha pauna nga impormasyon, nagtikang an kalayo ha sapit nga panimalay.
Dugang pa ni Baclea-an nga samtang nagdudumara hin overhauling operation an mga bombero, nakit-an nira an patay nga lawas han duha nga biktima nga pareho nag-eedad hin 31 ngan 32 anyos kun diin an duha in na-trap ha sakob han panimalay han matabo an sunog.
Hapagkayana, nagpapadayon pa an imbistigasyon para masabtan kun diin tikang an mao nga sunog. Ginkukuha na an pahayag han mga nakakita agud masayuran kun ano an eksakto nga rason han hinungdan han insidente, ngan makumpirma an panhitabo nga nagresulta ha pagkamatay han duha nga mga biktima.
