TACLOBAN CITY- Hinay-hinay na nga nakakabakdaw an Municipality of Limasawa tikang han pag-igo han bagyong Odette ha ira lugar.
Sumala kan Melchor Petracorta Municipal Mayor han Limasawa Southern Leyte, nga padayon pa an ira paghingayad han mga pabahay para ha mga nagin biktima han nakalabay nga bagyo nga umigo ha nasabi nga lugar.
Dugang pa hine nga mayda la gihapon mga private nga mga NGO’s an nagpdangat ha ira hin bulig para mapatindog utro an mga mga panimalay nga nagkaguguba.
Mababaruan nga totally washed out an tanan nga mga kabablayan ha mao nga lugar.
Samtang, padayon gihapon an paghahatag hin bulig han mga kasundaluhan kasumpay ha mga paghingayad han mga panimalay han mga naigo nga biktima.
Ginmalatumat pa han mao nga opisyal, hapagkayana in waray na may nagpapabelin ha mga evacuation center.
Ginhihingita naman han mao nga opisyal, nga posible 3 ngada 5 katuig pa an kinahanglan ugsa nga hul-os makabakdaw an mao nga lugar.
