Patay an lima katawo ha serye han air strikes ngan drone attacks han Israel ngan Southern Lebanon kakulop nga adlaw, Hunyo 20, pira kaoras la mahuman magin epektibo an ceasefire ha butnga han Israel ngan grupo nga Hezbollah.
Basar ha report han Lebanese state media, naglunsar an Israeli warplanes ngan drones hin mga pag-atake ha Nabatieh area bug-os nga gab-i kutob ha maagahon han Sabado.
Naruba han mga pambobomba an pira nga residential building ngan mga kabalayan.
Nagbul-iw gihapon hin artillery fire an Israel ha Nabatieh ngan ha mga kahigrani nga lugar an mag-maagahon han Sabado.
Manunumduman nga dida han Biyernes in nagkasabot an Israel ngan Hezbollah ha usa nga ceasefire kasunod han duro nga kasamok ha Lebanon. Ginkumpirma naman han usa nga senior Israeliu official ngan duha nga Hezbollah sources an kasabutan nga opisyal nga nagin epektibo alas-4 han kulop, dida han Hunyo 20.
