TACLOBAN CITY – Nagpapadayon an gindudumara nga contact tracing han LGU Tolosa ha mga nakahibalag han usa nga nagpositibo ha COVID-19 nga nakig inom ngan umatinder pa hin mga social gatherings.
Sumala kan Dra. Maria Ofelia Alcantara, alkalde han Tolosa Leyte, nga ha pagkayana in ada na ha 13 nga mga naka close contact hini an nagpositibo gihapon ha virus.
Ginkakabarak-an naman hini nga mas dumamo pa an positive cases ha ira bungto kun ma ipailarom ha swab test an tanan nga mga nakahibalag hini.
Dugang pa hini nga ada ha 400 nga indibidwal an ira kinahanglan nga ig contact trace ngan ha pagkayana in 200 sobra pala an ira nahuhuman.
Utro naman nga nanawagan an mao nga alkalde ha iya mga nasasakopan nga likayan la anay an mga huruharampang nga amu an primero nga hinungdan han pagtapon-tapon han COVID-19.
