-- Advertisements --
TACLOBAN CITY – Maghahatag hin tambulig an Lokal nga pangubyernuhan han Northern Samar ha mga biktima han Bagyong Rolly ha Catanduanes ngan Albay.
Sumala kan John Allen Berbon, Tagapagyakan han LGU- Northern Samar, nga tikang pa an pag-igo han Bagyong Quinta in mayda na hira mga naka preposition nga mga relief packs para unta ha mga biktima han kalamidad.
Bisan pa nga apektado an Northern Samar han Bagyong Rolly nagpasalamat naman hi Berbon nga diri sugad kadako an gindurot nga danyos ha ira lugar.
Nagpakasarabutan naman han konseho nga ighatag an mga relief packs ha mga mas nanginginahanglan rasun nga napili nira an Catanduanes ngan Albay nga pagtagaan hin tambulig tungod nga ini an napuruhan han naglabay nga Bagyo.
