TACLOBAN CITY – Ginpaplanohan han Lokal nga pangobyernohan han Guiuan nga igpailarom ha hard lockdown an mga barangay nga mayda hitaas nga kaso hin COVID-19.
Ine in mahuman nga mahipatik an 15 nga bag-o nga positibo tikang ha mao nga bungto ha gumawas nga resulta tikang ha duha nga laboratoryo.
Sumala kan Alfredo Opana Media Coordinator ngan miyembro han IATF han LGU han Guiuan nga an mao nga pitad in para malikayan nga magkaada pa hin local transmission.
Dugang pa hine nga nagestablish na gihapon daw hira hin mga barangay checkpoint agud nga mapugngan an paginawas gawas han mga katawhan ha ira mga panimalay.
Mahugot na daw gihapon daw iton ira ginbubuhat nga contact tracing kun diin dayon nga giniisolate an mga direkta nga contact.
Mababaruan nga hapagkayana in mayda na maabot ha 39 nga aktibo nga kaso an bug-os nga bungto han Guiuan.
