-- Advertisements --
TACLOBAN CITY – Nakatalaan nga magpatuman hin moratorium an lokal nga pangobyernhan han Dagami ha mga nangunguli nga locally stranded individual (LSI) ha ira bungto tikangan dida hiton Dec 16 – 31 yana nga tuig.
Sumala kan Dra. Nemia Yebron Sangrano, Municipal Health Officer han Dagami Leyte, nga ini in mahitungod nga puno-an na yana an ira mga quarantine facility tungod han sunod-sunod nga mga nagkakaabot nga LSI.
Dugang pa hini nga doble gihapon an ira ginbubuhat nga pag ikmat yana tungod nagtitikadamo an positive cases ha ira bungto.Mababaruan nga dida han nakalabay nga biyernes in may nahidugang nga 11 nga panibago nga kaso han COVID-19 ha Dagami, Leyte.
