TACLOBAN CITY– Ginpatapod han Leyte Metropolitan Water District (LMWD), nga padayon an ira ginhihimo nga paghingayad ha mga tubo hiton tubig, nga nagsusuplay ha Tacloban.
Sumala kan Ronie Cornico, General Manager han LMWD, lauman nga ha masunod nga mga adlaw in magigin maupay ngan makusog na an awas hiton tubig ha ira mga panilamay.
Ginmalatumat hine, nga mahuhuman na mangud an ira paghingayad ha downtown area.
Dugang pa ni Cornico, nga an iya gin-hahangyo la in an pag-intindi han mga konsimidor nga pananglitan maka-abat hin kaluya hiton awas in dire dayon nga basulon an ira buhatan, matungod nga ginhihimo nira an ira trabaho, agud nga makag-hatag hin hapsay ngan maupay nga awas para ha komunidad.
Ginpaangbit gihapon hine, nga padayon gihapon an ira paghingayad, han pipeline pakadto ha Pastrana Leyte.
Ginlalauman naman nga mahuhuman an tanan nga paghingayad, ugsa nga mahuman yana nga tuig.
