TACLOBAN CITY – Malipayon nga gin pa-angbit ni LEYECO III General Manager ngan Electric Cooperative of the Philippines President, Allan Laniba nga napabilin han ira kooperatiba an category award nga “Triple A.”
Ugsa makuha an nasabi nga award in mayda ine upat nga major criteria nga kinahanglan masunod;
Syahan, an financial parameters, kun diin ginkikita han NEA kun patiunan-o ig manage an mga finances hine. Ikaduha, an technical, kun diin ginsisigurado liwat han NEA nga dire masobra ha 10.25% an systems loss. Ikatulo, an institutional kun diin ine liwat an mga programa nga ginpapatuman han kooperatiba ha mga members-consumers-owners (MCOs). Ngan ikaupat, ginkikita gihapon han NEA an status of electrification kun umabot na hin sobra 90% nga kabalayan nga sakop han kooperatiba an mayda na suplay hin kuryente.
Kun diin, sumala kan Laniba, ngatanan ine nga mga criterias ine ira nakuha.
Samtang, abot pa han nasabi nga category award, ginkilala gihapon han National Electrification Administration (NEA) an nasabi nga kooperatiba kumo “Top Performing Electric Cooperative”.
