-- Advertisements --
TACLOBAN CITY – Umabot na ha sobra 9,000 an ihap han mga istudyante nga nagpa-enroll ha Leyte National High School para han yana nga School Year 2024-2025.
Sumala kan LNHS Assistant School Principal, Bernie Jude Lamograr, an kabug-usan nga ihap in 9,459 enrollees, pero naibanan ine hin upat, sanglit ada nala hira yana ha 9,445.
Pira han mga istudyante nga lumakat o nag-withdraw han ira enrolment in bumalik daw ha ira dati nga school ha ira lugar ngan an iba naman in nagtransfer.
Kumpara han ihap dida han nakalabay nga tuig nga nakada ha 9,307 in mas hitaas han pira ka-porsyento an ihap han yana nga tuig-2024.
Samtang, nakatalaan naman nga pagdumaraon an First Quarter Exam ha masunod nga semana, Setyembre 23-24, 2024.
