NATIONAL – Ginpapabantayan han Department of Agriculture (DA) ha mga hog raisers ha pagsarang han African Swine Fever (ASF) yana nga sunod-sunod an mga paguran.
Sumala kan Dr. Conastante Palabrica, Assistant Secretary for Swine and Poultry han DA, madagmit an pagsarang han ASF ha panahon han kat-uran, basar na gihapon ha mga record han ahensya ha mga nakalabay nga tuig tikang dida han syahan nga nadetect an virus ha Pilipinas.
Subay ha opisyal, kaurugan nga nagtitikang nga humitaas an kaso han ASF ha kada Agosto kutob Setyembre kun sano waray undang an mga pag-uran ha dako nga parte han nasud.
Tarihas naman ine kun naabot iton kat-sirak kun diin nahabubo iton kaso.
Pag-eksplikar pa ni Palabrica, naipapasarang an virus ha mga baboy kun tag-uran ngan panahon han pagbaha mahitungod nga madagmit maabot an mga tangkal hine.
