TACLOBAN CITY – Patay an usa nga leader han drug syndicate mahuman nga umato ha mga otoridad ha gindumara nga buy bust operation ha Brgy. Atipolo, Naval, Biliran.
Ginkilala an mao nga suspek nga hi Jewarth Laude Alba alyas Joe Art, Level 3 HVT ha drug watchlist ha mao nga lugar.
Sumala kan PCInsp Lilibeth Morillo, PIO han Biliran Police Provincial Office, nga an mao nga suspek in leader han Alba group usa nga drug syndicate nga nag ooperate ha probinsya han Biliran ngan ha iba nga parte han rehiyon.
Nakuha naman ha posesyon han suspek an 2 ka bulto ngan 4 ka sachet han gintutuuhan shabu.
Nahibaruan nga una nga naaresto hi Alba han nakalabay nga Mayo 26, 2016 mahitungod han kaso nga pagtalapas han Section 5 and 6 RA 9165 o Comprehensive Dangerous Drugs Act of 2002 pero na-acquit ini han nakalabay naman nga Pebrero 18 yana nga tuig.
