TACLOBAN CITY– Ginmalatumat han buhatan hiton Department of Agriculture Vlll, nga waray gud dako nga danyos nga ginbayaan han naglabay nga ST Pepito ha Sinirangan Bisayas.
Sumala kan Department of Agriculture Vlll, Chief Field Operation Division, Rodel Macapañas, subay ine ha ira nagin assestment han nakalabay nga bagyo, kun diin padayon gihapon an ira pakikipagsumpayan ha mga LGU’s nga gin-agian han nasabi nga bagyo.
Dugang pa ni Macpañas, ha ira paglibot ngan pakikipagsumpayan, mayda naman mga LGU’s an nagreport ha ira nga nakaghipatik hin damage, pero dire gud sugad ka grabe, matungod na gihapon han mga pangandaman, ngan pagbandilyo han impormasyon.
Ginpaangbit pa hine, nga an Eastern Samar, sugad hiton Maslog, Dolores, Oras, ngan Arteche, in nakaghipatik an mga ine hin minor damage dara na gihapon han kalain han panahon.
Samtang nakaghipatik gihapon hin minor damage an Northern Samar, sugad hiton, Las Navas, Catubig, San Roque, ngan Pambujan.
Ginbabana-bana naman han ira buhatan, nga an ira kapot na mga impormasyon in inisyal pala matungod nga padayon pa an ira pagpamulat ha pira nag mga LGU’s kun an mga ine ba in nadarahigan ngan nakag-angkon hin mga kagubaan partikular na ha pantag hiton agrikultura.
