-- Advertisements --
TACLOBAN CITY: Patay an usa nga lalaki, mahuman ine nga pusilon ha may Brgy. 97, Cabalawan Tacloban City.
Ginkilala an biktima kan alyas “Rik” 27-anyos, ngan residente han nasabi nga lugar.
Sumala kan PLT. Col. Edwin Cañamaque, Information Officer, Tacloban City Police Office, nga subay ha ira gindumara nga imbestigasyon personal nga delito ha butnga han iya anay gin-trabahuan, an ginkikita nga rason han mga otoridad ha mao nga panmusil.
Subay naman ha ira inisyal nga imbestigasyon, narekober ha crime scene an sobra kumulang 5 ka basiyo hiton bala han pusil.
Ha pagkayana, nagpapadayon pa an imbestigasyon kasumpay ha mao nga panhitabo.
