TACLOBAN CITY – Patay an usa nga lalaki ha Brgy. Payao, Villaba Leyte mahuman nga bunalan hin bato ha ulo hin damo kabeses.
Ginkilala an biktima kan John, 33-anyos an pangidaron, ngan residente han Brgy. Cagnocot, Villaba, Leyte.
Sumala kan PMAJ. Edwin Tolibas, Chief of Police hiton Villaba Municipal Police Station, an biktima in nagdudurayhag la han iya mga kasangkayan nga babaye han sundan ine han suspek ngan tutukan hin pusil.
Basar ha imbestigasyon, ginsundan an biktima han suspek ngan gintutukan han pusil ngan ginpabuthan pero waray ine kaigo rason nga umukoy ha pagbaktas an biktima kun diin dayun naman ine nga ginbunalan han suspek gamit an bato, makadamo kabeses.
Nadara pa naman ine ha Villaba Community Hospiatl pero gindeklara na ine nga dead-on-arrival hiton attending physician hine.
Padayon naman nga nagdudumara hin imbestigasyon an mga otoridad kasumpay han insidente agud dayun nga mahisabtan an pangilal-an han suspek ngan an motibo han krimen.
