HILONGOS, LEYTE – Usa nga lalaki na sigurado nga arestado mahuman nga nga makuhaan hin ilegal nga droga samtang seserbihan unta hin warrest of arrest para ha iya kaso nga frustrated murder ha Brgy. Central, Hilongos, Leyte.
Ginkilala an suspek kan alyas Dodong, 42-anyos an pangidaron, ngan residente han nasabi nga lugar.
Sumala kan Hilongos Municipal Police Station Chief of Police, PMaj. Ambrosio Demain, nakatulo na hira pag-plano hin operasyon para ha pagserbi han arrest warrant han suspek pero nakakatunog ini pirmi.
Ha pinal nga operasyon han mga otoridad, syahan nga ginserbi ha suspek an warrant of arrest para ha kaso nga frustrated murder nga mayda naman rekomendado nga pyansa nga P200,000.
Ha pagdumara hin lawful search incidental to arrest ha panimalay han suspek, nakarekober an mga otoridad hin gin aalegar shabu nga nakatago ha usa nga pouch, container, ngan brown nga paper pack kun diin nagkakantidad ini hin P377,304, lakip ha mga nakuha han otoridad in an iba pa nga drug paraphernalias.
Dugang pa ni Demain, nakatalaan nga mag-deliver han mga droga an suspek ha iya mga buyer pero natuman naman ha ira operasyon.
Samtang, mahuman nga makuha an ilegal nga droga, ginbasahan an suspek ha iya kadugangan nga pagka-aresto kasumpay ha pagtalapas han Section 11, Article II of Republic Act No. 9165 (Possession of Dangerous Drugs), sugadman an iya mga katungod.
Ha pagkayana, ada na kustodiya han kapulisan an suspek ngan mag-aatubang ha mga kaso nga ginpasaka kontra ha iya.
