ODD NEWS – Usa nga lalaki nga taga-Gujarat, India an may pinakahilaba nga buhok, ginkilala ine nga hi Savjibhai Rathwa 60-anyos an pangidaron ngan nag-uukoy ha mao nga lugar.
Mababaruan nga mayda 62 feet kahilaba an iya buhok ngan kinahanglan ine nga igbalimbod ha iya lawas matungod nga masayad ine ha tuna.
Sumala kan Savjibhai Rathwa , agud nga mapabilin niya an kadig-on han iya buhok in puros utan ngan prutas la ana iya ginkakaon .Naglilikay gehapon hiya ha mga magharang nga pagakon ngan sugadman fastfood.
Gintutuohan nga an buhok ni Rathwa an pinakahilaba ha bug-os nga kalibutan, matungod nga ginbabana-bana nga an iya buhok in doble an kahilaba kumpara ha taga-Vietnam nga may kapot han world record nga mayda liwat pinaka hilaba nga buhok.
Abuyon naman hi Rathwa nga bumulig ha proseso han Guinness Book of World Records pero in kinahanglan anay hiya kitaon han mga tinaglawas han mao nga organisasyon agud nga masigurado nga ine na an mayda pinakahilaba nga buhok ha bug-os nga kalibutan.
