-- Advertisements --
TACLOBAN CITY — Manilampuson nga nadakop han mga otoridad an number 1 most wanted person han Taft, Eastern Samar pinaagi han ginbuhat nga manhunt operation.
Ginkilala an suspek nga hi Vicente Lacanaria Loriaga, 54 anyos an pangidaron, may asawa ngan residente han Brgy. Binaloan han mao nga lugar.
Sumala kan PSI JOSE A TIU JR, hepe han Taft MPS, nga hi Loriaga in may kaso nga panlugos ha usa nga minor edad nga may problema ha panhuna-huna.
Dugang pa hini nga maiha anay nga nagtinago an mao nga suspek ha bukid nga parte han usa nga barangay ha bungto han Taft.
Ha pagkayana in nakapaslak na an mao nga suspek ngan naatubang ha kaso nga rape nga waray may gin rekomenda nga piyansa.
