TACLOBAN CITY – Patay na han mahikit-an an usa nga lalaki nga nangunguryente hin isda ha Mohon River, Zone 2-A Brgy Mohon Tanauan Leyte.
Ginkilala an biktikma kan alyas “Dodong”, 50-anyos an pangidaron, usa nga construction worker, ngan residente han nasabi nga barangay.
Sumala kan PCapt. Kemy Bas, OIC hiton Tanuan Municipal Police Station, gintotoohan nga nakuryente an biktima gamit an wire nga gingagamit hine panguryente hin isda.
Subay ha inisyal nga imbestigasyon, nag-iinom an biktima kaupod han mga kasangkayan hine han magsarit ine nga mangingisda o mangunguryente anay ine hin isda ha Mohon River.
Waray na daw ine bumalik ha irignom sanglit ginkadto ine han duha hine nga kainom ha balay hine pero waray daw ine didto sanglit gin pamiling ine han iya duha nga kainom ha may salog kun diin didto in nahikit-an na an patay na nga lawas han biktima.
Gin aalegar naman nga nakuryente an biktima mahitungod han wire nga nahikit-an nga nakadukot ha lawas hine.
Gindara pa ine ha RHU han Tanauan, Leyte pero gindeklara na ine nga patay.
Nagdumara naman hin post mortem examination an mga otoridad agud mabaruan an rason an kamatayon hine.
