TACLOBAN CITY – Arestado an usa nga lalaki ha gindumara nga buy bust operation han mga kapulisan ha Zone 6, Brgy. 110 Utap, syudad han Tacloban.
Ginkilala an suspek nga hi Sherwin Lastimado, 38 anyos an pangidaron, ngan residente han mao nga barangay.
Napalit ha suspek an usa kasachet hin gintutuuhan nga shabu ngan P500 nga buy bust money.
Nakuha pa ha posisyon hini an unom kasachet hin gintutuuhan nga shabu ngan usa nga cellphone.
Subay ha imbestigasyon, nagprobar pa nga umeskapo an suspek han pakasabot hini nga mga kapulisan ngayan an iya ginbabaligyaan hin ilegal nga droga.
Inmato ini ngan tigda nga dumalagan pero mahitungod nga masirom an lugar in natumba ngan namudmod ini ha semento.
Nakapag-angkon naman ini hin injuries ha nawong hini.
Ha pagkayana, in ada na ha kustodiya han mga otoridad an mao nga suspek ngan naatubang na ha kaangayan nga kaso.
