-- Advertisements --
TACLOBAN CITY- Arestado an usa nga lalaki mahitungod ha pagdinara-dara hin kutsilyo ha pampubliko nga lugar.
Nakilala an suspek kan Rodel Gahelan Rangcodo, 20 anyos an pangidaron ngan residente han Barangay Cavite West, Palo, Leyte.
Nakumpiska tikang ha hawak ni Rangcodo an usa nga pisaw nga may kahalaba nga 11 purgadas.
Naatubang na ini ha kaangayan nga kaso mahitungod ha pagtalapas han Batas Pambansa Bilang 6 o an pagdara-dara hin hinagiban ha pampubliko nga mga lugar.
Mababaruan nga may kalabutan ha nagtitikaharani nga kapatrunan ha Palo, Leyte, nakatuka an mga kapulisan ha pampubliko nga lugar kun diin guindudumara an kinada gab-i nga aktibidadis.
