LAWAAN, EASTERN SAMAR – Patay an duha nga biktima ngan samaran naman an duha pa mahuman nga manmusil an usa nga lalaki ha usa nga irinuman.
Ginkilala an mga suspek nga paprehas mga residente han Brgy. 8 Poblacion Lawaan, Eastern Samar.
Sumala kan Eastern Samar Police Provincial Office Provincial Director, PCol. Ernesto Macasil, nag-iirignom an upat nga mga biktima han dumaop an suspek kun diin iginkadebate hini an usa han biktima.
Gumawas naman an suspek pero ugsa ini makagawas in ginbatak ini hin botelya, kun diin kahuman hini in umuli ngan bumalik ini ha gin iirignuman ngan namusil.
Nahibaruan naman nga mayda na nakalabay nga kaso an suspek sanglit mayda na ini profile ha mga otoridad.
Ha pagkayana, padayon pa an gindudumara nga hot pursuit operation han mga otoridad agud madakpan an suspek nga umiskapo.
