TACLOBAN CITY: Waray na kinabuhi an usa nga biktima, han maabtan hiton mga kapulisan ha Brgy. 61, Sagkahan Tacloban City.
Ginkilala an biktima nga usa nga 37-anyos lalaki ngan residente han Zumarraga Samar, pero matungod han trabaho dinhi ine napipirmi ha Tacloban.
Sumala kan PMaj Shenna Layog, Station Commander, San Jose Police Station 1, nga gumamit an biktima hin nylon nga higot, agud nga utasan an iya kalugaringon nga kinabuhi.
Dugang pa ni Layog, gin-aalegar nga han nakalabay pa nga Oct.8, naghikog an biktima matungod nga waray dayon ine ka hereport ha ira buhatan.
Subay naman ha ira gindumara nga imbestigasyon, waray magdadahom an katrabaho han biktima nga magpapakamatay ine, matungod nga dire ine nagpapakita nga may gindadara nga problema, matungod nga matawa-tawa an iya personalidad.
Ginpaangbi pa ni PMAJ, waray naman hira nakikit-an nga foul play ha nasabi nga panhitabo
