ODD NEWS – Problema ha pagkayana ha damo nga mga subcribers hin cellphone ngan network provider ha Amerika an hitaas nga kantidad nga ira ginbabaydan ha kaluyo han dire naman maupay nga serbisyo nga ira nakakarawat.
Ini an naeksperyensyahan ni Corey Taylor, usa nga consultant tikang ha Chicago.
Sumala kan Corey, dire maupay an serbisyon han iya cellphone company pero dako an iya ginbabaydan nga bill kada bulan.
Napuno na daw hi Corey han kadako han ginsusukot haiya nga nakantidad $175 o P8,000 sanglit usa la an nahuna hunaan nga solusyon ni Corey para hini.
Imbes nga pumakadto han opisina han cellphone company para magreklamo, ginpeke ni Corey an iya kamatayon para makatakas haiya baraydan.
Sumala ha kontrata hini ngan han iya network, dire hiya basta basta nga makakaiawas ha iya subscription labot na la kun mamatay hiya.
Ini an nagduso kan Corey nga magpakapatay-patay pinaagi han pagsabotahe ha iya mga kasangkayan ngan paghimo hin peke nga death certificate ngan iba pa nga dokumento nga ginpadara ngadto han kompanya han network.
Pero han mag imbestigar an cellphone company nabuking an pegpeke ni Corey ha iya kamatayon ngan ginpagbayad la gihapon hiya han iya bill.
Maswerte nga pasakahi hin kaso hi Corey han mao nga kompanya.Dire naman nagbabasul hi Corey han iya ginbuhat. Nagtutuo hiya nga nakapaghatag hiya hin importante nga mensahe ha cellphone networks agud nga pag-upayon han mga ini an ira mga serbisyo.
