TACLOBAN CITY – Arestado an usa nga lalaki mahuman nga manarhog hin 20-anyos nga istudyante nga igpapasarang hine an mga maglaw-ay nga litrato ngan video hine ha social media.
Ginkilala an suspek kan alyas Kit, 38-anyos an pangidaron, ngan residente han Brgy. 3 Poblacion Taft Eastern Samar samtang, ginkilala naman an biktima kan alyas Joy, 20-anyos an pangidaron, usa nga istudyante, ngan residente han Borongan City.
Sumala kan PLt.Col. Clark Chavaria, Chief of Police hiton Borongan City Police Office, nagawas nga gintarhog an biktima kun diin nag mando an suspek nga kun dire nga makig-hilawas an biktima in igpapasarang hine an mga maglaw-ay nga picture ngan video hine.
Labot la hine in nag-aro gihapon hin kwarta an suspek kabalyo parehas nga rason.
Dayon naman nagdumara entrapment operation an mga otoridad alakontra han suspek ngan nadakop ini.
Ha pagkayana in nakapaslak na an suspek ha Borongan City Police ngan gin pasakahan na han kaangayan nga kaso.
