BORONGAN CITY – Utro nga ginpatuman han Department of Public Works and Highways (DPWH) – Eastern Samar District Engineering Office an Lakbay Alalay o usa nga Motorist Assistance Program yana nga Semana Santa.
Sumala kan Department of Public Works and Highways (DPWH) – Eastern Samar District Engineering Office Information Officer, Engr. Atty. Jason Espeso, tinikangan yana nga adlaw, April 16 kutob Abril 19, Sabado de Gloria, in ig igpapasarang an mga tuwhan ha tulo nga mga lokasyon han probinsya sugad han Junction Taft, Junction Buenavista ha Quinapondan, ngan ha ESDEO (main highway area) Borongan City, agud maghatag hin emergency assistance ha mga biyahero, tinikangan hiton alas-8 hiton aga kuton alas-5 hiton kulop.
Igin-mando gihapon ni Eastern Samar District Engineering Office District Engineer, Engr. Domcillo Natividad an pagkakamay-ada hin tuháy nga mga signages ngan traffic advisories ha mga karsada nga mayda gindudumara nga proyekto agud malikayan an paghinay han trapiko ha mga kakarsadahan ngan malikayan an aksidente.
Kabulig naman hiton ESDEO ha pagsigurado han seguridad ngan katalwasan han mga motorista ngan mga biyahero ha mga karsada, an Land Transportation Office, Philippine National Police, ngan mga Local Government Units (LGUs).
Kasumpay hini, nagpahinumdom gihapon an ESDEO ha mga motorista o bakasyunita nga maghirot ha pag-biyahe ngan magin talwas ha kadalanan. (via Bombo Shiela Encio)
