-- Advertisements --
TACLOBAN CITY – Gindumdum han usa nga historian an pira nga mga naging kontribusyon han mga bayani ha kagawasan han Pilipinas tikang ha mga langyawanon nga sumakop ha nasod.
Ine in may paghisumpay ha ika-157 nga kaadlawan han ginkikila nga Ama ng Katipunan kontra ha Espanya nga hi Andress Bonifacio.
Sumala kan Prof.Rolando Borinaga usa nga historian, nga dire daw angay hingalimtan an mga kontribusyon ngan sakripisyo han aton mga bayani nga naghatag ha aton hin kagawasan.Nawawara na mangud daw hapagkayana an kasaysayan ngan an mga pinaglalaban han mga bayani matungod ha kali-aw han makabag-o nga panahon.
