Igin parayaw ni Miss Supranational Philippines 2026 Katrina Llegado an kahusay han Pilipinas pinaagi han usa nga gumamela-inspired national costume sa costume showcase han Miss Supranational 2026 ha Nowy Sącz, Poland.
Sul-ot ni Katrina an usa nga malamrang ngan mala-bukad nga disensyo ni fashion designer Mitch Viray nga hango ha pula nga gumamela—usa nga bukad nga komon nga makikita ha magkadiru-dilain nga parte han nasud.
Sumala ha beauty queen, bisan man kun maselan an gumamela, nasimbolo ini hin karig-on, kusog, ngan kahusay—mga katangian nga karuyag gihapon niya dad-on samtang ginre-representa an Pilipinas ha international pageant.
Labot ha national costune, nakakuha gihapon hin pagdayaw an iya pagrampa ha preliminary competition. Bumilin an damo nga pageant fans ngan analysts ha iya elegante nga red gown nga himo hi Pablo Mendez, sugadman an iya kumpyansa nga pagrampa ha swimsuit competition.
Samtang, padayon gihapon nga nagpapakita hin maupay nga performance an tinaglwas han Pilipinas ha Mister Supranational 2026 nga hi Felipe Marasigan. Nakasulod hiya ha Top 5 han Supra Model competition, Top 4 han Influencer Challenge ha Facebook, ngan Top 10 han Supra Chat Challenge.
Target ni Katrina Llegado nga maiuli an ikaduha nga Miss Supranational crown han Pilipinas, 13 taon mahuman an kalangpusan ni Mutya Datul dida han 2013.
Naglalaum naman hi Marasigan nga maiuli an pinakasyahan nga Mister Supranational title para ha nasud ha finale nga pagbubuhaton ha Agosto 1, (August 2 ha Pilipinas.)
